Մի խումբ քաղաքացիներ մեզ ազատեցին ապօրինի ազատազրկումից. Արսեն Բաբայան
![Մի խումբ քաղաքացիներ մեզ ազատեցին ապօրինի ազատազրկումից. Արսեն Բաբայան](https://hraparak.am/uploads/images/2022/05/image_750x_6284915ddbae9.jpg)
«Հայրենիք» կուսակցության անդամ Արսեն Բաբայանը ֆեյսբուքյան իր էջում գրել է.
«Կարճ պատմեմ, թե ինչ կատարվեց քիչ առաջ: Մի խումբ քաղաքացիներով խաղաղ անհնազանդության ակցիա էինք իրականացնում երթի ձևով: Պռոշյան փողոցից մինչև Մաշտոցի պողոտա որևէ ոստիկան մեզ չէր ուղեկցում, իսկ մենք շարունակում էինք մեր խաղաղ ակցիան:
Մաշտոցի պողոտայում երթով թեքվեցինք դեպի Պուշկինի փողոց, որտեղ ոստիկանության զորքերի համազգեստով հարյուրավոր մարդիկ հարձակվեցին մեզ վրա, կիրառեցին բիրտ ուժ և կատարեցին զանգվածային ձերբակալություն:
Ավտոբուսում շուրջ 40 հոգի էինք, մեզ տանում էին անհայտ ուղղությամբ և հանկարծ մի խումբ քաղաքացիներ փակեցին մեզ առևանգող ավտոբուսի ճանապարհը և մեզ ազատեցին ապօրինի ազատազրկումից:
Մենք ուժեղ ենք միասին, առանց թուրքի Հայաստան լինելու է»:
Կարծիքներ