Վակունիսի համայնքապետին ծեծի ենթարկելու վերաբերյալ հարուցված քրգործի շրջանակներում կան ձերբակալվածներ
Քաշաթաղի շրջանի Վակունիս համայնքի ղեկավար Էդուարդ Զաքարյանին ծեծի ենթարկելու համար ձերբակալվել է երեք անձ, այդ թվում` Սամվել Բաբայանի Քաշաթաղի գրասենյակի պատասխանատուներից Կարեն Սահակյանը:
Վերջինս, ինչպես տեղյակ եք, երեկ՝ հունիսի 5-ին, «Արցախպրես»-ի թղթակցի հետ զրույցում հերքում էր իր մասնակցությունը ծեծկռտուքին, սակայն, ԱՀ ոստիկանության այսօր տարածած հաղորդագրության համաձայն, ձերբակալվել է ԱՀ քննչական վարչությունում հարուցված քրեական գործի շրջանակում և ԱՀ քրեական օրենսգրքի 337-րդ հոդվածի 1-ին մասով մեղադրվում է իշխանության ներկայացուցչի նկատմամբ բռնություն գործադրելու համար:
Ըստ պաշտոնական հաղորդագրության՝ նախաքննությունը շարունակվում է։
Կարծիքներ