Մարադոնան չի պատասխանում զանգերին

Արգենտինայի հավաքականի գլխավոր մարզչի պաշտոնակատար Սերխիո Բատիստան հայտարարել է, որ հավաքականի նախկին ղեկավար Դիեգո Մարադոնայի հետ կապ հաստատելու իր բոլոր փորձերը մինչև այժմ ձախողվել են: «Ես նրան երկու անգամ զանգահարել եմ ոչ թե տեխնիկական հարցեր քննարկելու, այլ պարզապես իմանալու, թե ինչպես է իրեն զգում: Երկու անգամ էլ որևէ պատասխան չեմ ստացել: Ես խնդիր չունեմ Մարադոնայի կամ Արգենտինայի հավաքականի որևէ մարզչի հետ: Կցանկանայի նրանց բոլորի հետ հանդիպել, մասնավորապես, Դիեգոյի հետ, որպեսզի կարծիքներ փոխանակեինք: Ինձ, սակայն, մասնագիտական խնդիրները չէին հետաքրքրում, դրա համար այլ ժամանակ կա: Ես պարզապես զուտ մարդկայնորեն ցանկանում էի նրա հետ շփվել»,- Բատիստային մեջբերել է El Mundo-ն:



Tert.am