«Դուք ուզում եք, որ ես Սերժ Սարգսյանի կամ Տիգրան Սարգսյանի նման նստեմ, խաբե՞մ»
Նախագահի թեկնածու Հրանտ Բագրատյանը կարեւորում է նաեւ հանրապետության տարբեր շրջաններին ճիշտ վարձատրելու քաղաքականությունը: Այս մասին նա հայտարարեց «Ասպարեզ» ակումբում հրավիրված մամլո ասուլիսի ժամանակ:
«Օրինակ, եթե ես գրանցված եմ Գյումրիում, աշխատում եմ Երեւանում, եկամտի 50%-ը պետք է փոխանցվի Գյումրու բյուջե: Մենք այսօր ինչ իրավիճակ ունենք. Գյումրուն մնում է մի չնչին բան` գույքահարկ, մնացած բոլոր փողերը գնում են Երեւան, հետո գնում, Երեւանից փող ենք խնդրում: Այդ է պատճառը, որ չնայած քաղաքապետերի կամ գյուղապետերի ընտրությանը, նրանք կախված են Երեւանից եւ կատարում են Երեւանի քաղաքական կամքը: Քաղաքապետերն այսօր կախված քաղաքական գործիչներ են: Կարո՞ղ է իրանք ասեն, ինքնակառավարում գոյություն ունի Գյումրիում: Չունի, քանի որ հետո՞ ինչ-որ նա ընտրվում է, փողը Երեւանից է ստանում, կարո՞ղ է նա չանի ինչ որ Երեւանն ասում է, իսկ ու՞ր մնաց տեղական ինքնակառավարման թեզը: Սա սոցիալական բեւեռացում է ոչ միայն տարբեր խմբերի, այլեւ տարբեր ռեգիոնների միջեւ»:
Գյումրիում ազատ տնտեսական գոտու ստեղծման գաղափարի հետ վերաբերյալ Հ.Բագրատյանը նշեց, որ հնարավոր չէ 30 հազար քկմ-ի վրա ազատ տնտեսական գոտի ունենալ: «Երբ նայում ենք ազատ տնտեսական գոտու մեխանիզմներին, մենք չենք կարողանում հասկանալ, տարբերությունը Երեւանի եւ Գյումրու միջեւ ի՞նչն է: Խոսում ենք ազատ տնտեսական գոտուց, երբ Գյումրուն չենք թողնում, որ եկամտահարկը մնա Գյումրու բյուջեում: Դուք ուզում եք, որ ես Սերժ Սարգսյանի կամ Տիգրան Սարգսյանի նման նստեմ, խաբե՞մ: Ձեզ մոտ հարց չի ծագում, այ ընկեր, շահութահարկն ինչու՞ ես տանում այստեղից, հետո էլ խոսում ես ազատ տնտեսական գոտու մասին, որը չի տալու: Նույնիսկ Ուկրաինայի պես երկրում այս գաղափարը չաշխատեց: Երեւանում մեր բնակչության 37% է ապրում, արտադրում 84 % ՀՆԱ, մեկ շնչին բաժին ընկնող արտադրող ՀՆԱ-ան 3 անգամ ավել է, քան թե Գյումրիում: Ոչ միայն Գյումրիում, այլեւ գյուղում ապրելն անիմաստ է: Ճար ունես, գնա Երեւան, կամ հանրապետությունը լքի: Բայց անկախ նրանից, ով է ձեզ մոտ քաղաքապետը, դուք Գյումրիում պետք է մնաք»,-ասաց բանախոսը:
Անդրադառնալով իր վարչապետության տարիներին, Հ.Բագրատյանը նշեց. «Այդ ժամանակ ոչ մի բան չի կազմաքանդվել Գյումրիում, վարչապետության տարիներին լուծել եմ 24-ժամյա հոսանքի հարցը, թող ինձնից առաջ լուծեին, հիմա մութ ու ցուրտ տարիները չեն: Առաջին վարկը՝ 28 մլն դոլար, վերցրել եմ Գյումրիում, քաղաքը թափով կառուցվել է: Ուզում եմ հատ-հատ նշել 1994-1995 թվականներին վերակառուցված ձեռնարկությունների մասին. «Ստրոմմաշինա», հիմա ինչ վիճակում է, չգիտեմ, արդուկների գործարանը, Մայիսյան կաթսայատունը, որը Անդրկովկասի հրաշքն էր, ապակու գործարանը: Այս գոծարանները կառուցվել են, սարքավորումները մեջն են դրվել: Անհամեմատելի են Վանաձորն ու Գյումրին, երբ ես իմ վարչապետության տարիներին Վանաձորում միայն Ճշտգրիտ հաստոցների գործարանն եմ վերակառուցել, բայց 10 օրը մեկ այցելել եմ Գյումրի: Ինձ Ֆրանսիայի հանրապետության վարչապետից նվիրել էին 2 մլն դոլար, դրանով կառուցել էի Գյումրու ֆրանսիական դպրոցը, որը հուսով եմ, որ դեռ կա: Գյումրի գալիս եմ բաց ճակատով, եթե որեւէ վարչապետ ավել է արել, միայն կուրախանամ»,-պնդեց տնտեսագետը:
Հ.Բագրատյանը ասաց, որ ամոթ է, որ մինչեւ հիմա Գյումրիում «աղետի գոտի» հասկացությունը կա, քաղաքում էդ տնակները կան: Լրագրողները նաեւ նշեցին, որ Գյումրիում մի տեսակ նախագահի թեկնածուների քարոզարշավի պասիվություն է նկատվում եւ բնակչության անտարբերություն ընտրությունների հանդեպ: Խոսելով Գյումրու տեխնոպարկից, Հ.Բագրատյանը նշեց.«էսօրվա վիճակում չեմ կարծում, որ էնտեղ ինչ-որ էական բան արված է, ինձ հայտնի չէ, որ օրինակ տեխնոպարկը էսքան պատենտային հայտ է ներկայացրել, բայց անպայման նման իննովացիոն կենտրոններ պետք են Գյումրուն»:
Անահիտ ՍԻՄՈՆՅԱՆ
«Օրինակ, եթե ես գրանցված եմ Գյումրիում, աշխատում եմ Երեւանում, եկամտի 50%-ը պետք է փոխանցվի Գյումրու բյուջե: Մենք այսօր ինչ իրավիճակ ունենք. Գյումրուն մնում է մի չնչին բան` գույքահարկ, մնացած բոլոր փողերը գնում են Երեւան, հետո գնում, Երեւանից փող ենք խնդրում: Այդ է պատճառը, որ չնայած քաղաքապետերի կամ գյուղապետերի ընտրությանը, նրանք կախված են Երեւանից եւ կատարում են Երեւանի քաղաքական կամքը: Քաղաքապետերն այսօր կախված քաղաքական գործիչներ են: Կարո՞ղ է իրանք ասեն, ինքնակառավարում գոյություն ունի Գյումրիում: Չունի, քանի որ հետո՞ ինչ-որ նա ընտրվում է, փողը Երեւանից է ստանում, կարո՞ղ է նա չանի ինչ որ Երեւանն ասում է, իսկ ու՞ր մնաց տեղական ինքնակառավարման թեզը: Սա սոցիալական բեւեռացում է ոչ միայն տարբեր խմբերի, այլեւ տարբեր ռեգիոնների միջեւ»:
Գյումրիում ազատ տնտեսական գոտու ստեղծման գաղափարի հետ վերաբերյալ Հ.Բագրատյանը նշեց, որ հնարավոր չէ 30 հազար քկմ-ի վրա ազատ տնտեսական գոտի ունենալ: «Երբ նայում ենք ազատ տնտեսական գոտու մեխանիզմներին, մենք չենք կարողանում հասկանալ, տարբերությունը Երեւանի եւ Գյումրու միջեւ ի՞նչն է: Խոսում ենք ազատ տնտեսական գոտուց, երբ Գյումրուն չենք թողնում, որ եկամտահարկը մնա Գյումրու բյուջեում: Դուք ուզում եք, որ ես Սերժ Սարգսյանի կամ Տիգրան Սարգսյանի նման նստեմ, խաբե՞մ: Ձեզ մոտ հարց չի ծագում, այ ընկեր, շահութահարկն ինչու՞ ես տանում այստեղից, հետո էլ խոսում ես ազատ տնտեսական գոտու մասին, որը չի տալու: Նույնիսկ Ուկրաինայի պես երկրում այս գաղափարը չաշխատեց: Երեւանում մեր բնակչության 37% է ապրում, արտադրում 84 % ՀՆԱ, մեկ շնչին բաժին ընկնող արտադրող ՀՆԱ-ան 3 անգամ ավել է, քան թե Գյումրիում: Ոչ միայն Գյումրիում, այլեւ գյուղում ապրելն անիմաստ է: Ճար ունես, գնա Երեւան, կամ հանրապետությունը լքի: Բայց անկախ նրանից, ով է ձեզ մոտ քաղաքապետը, դուք Գյումրիում պետք է մնաք»,-ասաց բանախոսը:
Անդրադառնալով իր վարչապետության տարիներին, Հ.Բագրատյանը նշեց. «Այդ ժամանակ ոչ մի բան չի կազմաքանդվել Գյումրիում, վարչապետության տարիներին լուծել եմ 24-ժամյա հոսանքի հարցը, թող ինձնից առաջ լուծեին, հիմա մութ ու ցուրտ տարիները չեն: Առաջին վարկը՝ 28 մլն դոլար, վերցրել եմ Գյումրիում, քաղաքը թափով կառուցվել է: Ուզում եմ հատ-հատ նշել 1994-1995 թվականներին վերակառուցված ձեռնարկությունների մասին. «Ստրոմմաշինա», հիմա ինչ վիճակում է, չգիտեմ, արդուկների գործարանը, Մայիսյան կաթսայատունը, որը Անդրկովկասի հրաշքն էր, ապակու գործարանը: Այս գոծարանները կառուցվել են, սարքավորումները մեջն են դրվել: Անհամեմատելի են Վանաձորն ու Գյումրին, երբ ես իմ վարչապետության տարիներին Վանաձորում միայն Ճշտգրիտ հաստոցների գործարանն եմ վերակառուցել, բայց 10 օրը մեկ այցելել եմ Գյումրի: Ինձ Ֆրանսիայի հանրապետության վարչապետից նվիրել էին 2 մլն դոլար, դրանով կառուցել էի Գյումրու ֆրանսիական դպրոցը, որը հուսով եմ, որ դեռ կա: Գյումրի գալիս եմ բաց ճակատով, եթե որեւէ վարչապետ ավել է արել, միայն կուրախանամ»,-պնդեց տնտեսագետը:
Հ.Բագրատյանը ասաց, որ ամոթ է, որ մինչեւ հիմա Գյումրիում «աղետի գոտի» հասկացությունը կա, քաղաքում էդ տնակները կան: Լրագրողները նաեւ նշեցին, որ Գյումրիում մի տեսակ նախագահի թեկնածուների քարոզարշավի պասիվություն է նկատվում եւ բնակչության անտարբերություն ընտրությունների հանդեպ: Խոսելով Գյումրու տեխնոպարկից, Հ.Բագրատյանը նշեց.«էսօրվա վիճակում չեմ կարծում, որ էնտեղ ինչ-որ էական բան արված է, ինձ հայտնի չէ, որ օրինակ տեխնոպարկը էսքան պատենտային հայտ է ներկայացրել, բայց անպայման նման իննովացիոն կենտրոններ պետք են Գյումրուն»:
Անահիտ ՍԻՄՈՆՅԱՆ
Կարծիքներ