Զուրաբյանը հավատում է միայն ստույգ աղբյուրների

ԱԺ «Հայ ազգային կոնգրես» խմբակցության ղեկավար Լևոն Զուրաբյանը լրագրողների հետ զրույցում խուսափել է անդրադառնալ մամուլում շրջանառվող այն տեղեկությանը, որ Գագիկ Ծառուկյանը հանդիպել է Սերժ Սարգսյանին և խուսափեց գնահատել հանդիպման հնարավոր ազդեցությունը սկսված գործընթացին:

Զուրաբյանը նշել է, որ ինքը որևէ նման տեղեկություն չունի, որ այդպիսի հանդիպում է կայացել:

Իսկ ի պատասխան հարցի` հնարավո՞ր է, որ ԲՀԿ-ի՝ հանրահավաքները հետաձգելու որոշումը կապված էր Գագիկ Ծառուկյան-Սերժ Սարգսյան հանդիպման հետ, Լևոն Զուրաբյանը նշել է. «Նման հանդիպում եղե՞լ է: Ես ոչ մի հաստատում ոչ մեկի կողմից չունեմ և ընդհանրապես չեմ ցանկանում զբաղվել մամուլի չհիմնավորված սպեկուլյացիաներով: Ես բացարձակապես նման որևէ ինֆորմացիա չունեմ, ոչ մի հաստատում ոչ մի վստահելի աղբյուրից: Ես չեմ ցանկանում քննարկել անվստահելի աղբյուրներ կամ անվստահելի տեղեկություններ»