Ֆրանսիայի 900 քաղաքացի ցանկանում է ջիհադի մեկնել Իրաք և Սիրիա. Մանուել Վալս
hraparak
1 Սեպտեմբեր 2016 | 19:15
0
Ֆրանսիայի մոտ 900 քաղաքացի ցանկանում է ջիհադ իրականացնելու նպատակով մեկնել Իրաք և Սիրիա, տեղեկացնում է Reuters-ը՝ հղում կատարելով այդ մասին Ֆրանսիայի վարչապետ Մանուել Վալսի հայտարարությանը:
«Այս պահին Իրաքի և Սիրիայի ռազմական գործողությունների գոտում ջիհադ է իրականացնում Ֆրանսիայի մոտ 700 քաղաքացի կամ Ֆրանսիայում մշտական բնակվող մարդ: Նրանց վերադարձը լրացուցիչ սպառնալիք կլինի մեր ազգային անվտանգությանը»,- նշել է Վալսը՝ հենվելով ֆրանսիական հետախուզության տվյալների վրա:
Վալսը նաև նշել է, որ Իրաքի և Սիրիայի ռազմական գործողությունների շրջանում արդեն 191 ֆրանսիացի է զոհվել:
Կարծիքներ