SpaceX-ը ևս երեք զբոսաշրջիկի տարավ տիեզերք
Ուրբաթ Իլոն Մասկի SpaceX-ի երկրորդ անգամ զբոսաշրջիկների է տեղափոխել բաց տիեզերք:Առաջին անգամն անցած տարի էր, երբ միլիարդատերը և նրա հյուրերը եռօրյա ուղեծրով բարձրացան տիեզերք: Axiom-ն ուղիղ հեռարձակմամբ ցույց տվեց , թե ինչպես երկաստիճան Falcon 9 հրթիռով և Crew Dragon պարկուճով SpaceX մեկնարկային տիեզերանավը սլացավ երկինք՝ Ֆլորիդայի Ատլանտյան ափի վրայով,իր հետևից թողնելով հրե դեղնավուն պոչ:
Անձնակազմի խցիկի ներսում գտնվող տեսախցիկները տիեզերք թռչելուց մի քանի րոպե առաջ հեռարձակեցին կադրեր, որոնցում երևում էր չորս տղամարդ՝ ամրացված ճնշման տակ գտնվող խցիկում, սաղավարտներով, սպիտակ և սև կոստյումներով:
Առաքելությունը ղեկավարում էր նախկին տիեզերագնաց, ամերիկացի Մայքլ Լոպես-Ալեգրիան:
Երեք գործարարները՝ Լարի Քոնորը Դեյթոնից, Մարկ Փաթին՝ Մոնրեալից և Իսրայելից Էյթան Սթիբբեն 55 միլիոն դոլար են վճարել տիեզերական զբոսանքի համար:
Axiom-ը մտադիր է ապագայում ավելացնել տիեզերական թռիչքների սիրահար հաճախորդների ու ,բնականաբար, նաև տիերզերական խցիկների թիվը:
Այցելուների տոմսերը ներառում են մուտք դեպի տիեզերակայանի բոլոր տարածքները, բացառությամբ ռուսական մասի, դրա համար նրանք պետք է թույլտվություն ունենան բոլոր տիեզերագնացներից: Երեք ամերիկացի և մեկ գերմանացի նույնպես այժմ այնտեղ են: Լոպես-Ալեգրիան խուսափում է քաղաքականության և Ուկրաինայի պատերազմի մասին խոսելուց, քանի դեռ տիեզերակայանում է:
SpaceX-ը և NASA-ն ուղևորների հետ նախօրոք են քննարկում տիեզերական թռիչքների բոլոր ռիսկերը, ասել է Լոպես-Ալեգրիան, ով 15 տարի առաջ տիեզերակայանում անցկացրել է յոթ ամիս:
«Կարծում եմ, որ պետք է պարզ լինի, թե ինչ վտանգներ կան կամ ինչպիսի դժվարություններ են սպասվում», – ասել է Լոպես-Ալեգրիան Associated Press-ին թռիչքից առաջ:
«Յուրաքանչյուր այցելու ինը-տասը օրվա ընթացքում պետք է անցկացնի փորձերի ամբողջական ցիկլ, ինչի պատճառով էլ նրանք չեն սիրում կոչվել տիեզերական զբոսաշրջիկներ»:
Կարծիքներ