Սիմոնյանը Գեղամ Գևորգյանին ազատել է աշխատանքից
ԵՊՀ ռեկտոր Արամ Սիմոնյանը աշխատանքից հեռացրել է պրոռեկտոր Գեղամ Գևորգյանին՝ անվստահության հիմքով։ Այս մասին տեղեկությունը հաստատեց ԵՊՀ լրատվական վարչության ղեկավար Գևորգ Էմին-Տերյանը․
«Գեղամ Գևորգյանը ամսի 12-ին ռեկտորի հրամանով ազատվել է աշխատանքից՝ անվստահության հիմքով»,- մեզ հետ զրույցում ասաց ԵՊՀ լրատվական վարչության ղեկավարը։
Նշենք, որ Գեղամ Գևորգյանը 2006 թվականին մասնակցել է ԵՊՀ ռեկտորի պաշտոնի համար հայտարարված մրցույթին, և այս տարիների ընթացքում խոսվում էր, որ Արամ Սիմոնյանի հետ հակասություններ ունի։
Հիշեցնենք նաև, որ վերջերս ԵՊՀ-ում տեղի ունեցավ հոգաբարձուների խորհրդի նիստ՝ Արամ Սիմոնյանի պաշտոնավարումը վաղաժամկետ դադարեցնելու օրակարգով, սակայն օրակարգը չհաստատվեց։
Կարծիքներ