Համենայնդեպս լավ չէ, որ պատգամավորները լավ չեն հաշվարկել. Ալեն Սիմոնյան
Վահե Մակարյան
29 Մարտ 2019 | 12:51
0
Ազգային ժողովի նիստն այսօր չկայացավ քվորում չլինելու պատճառով: ԱԺ «Իմ քայլը» խմբակցության պատգամավորների մի զգալի մասն այսօր մեկնել է Արցախ, արդյունքում բավարար թվով պատգամավոր չկար, որ քվորում ապահովվեր: Գրանցվել էր ընդամենը 44 պատգամավոր, մինչդեռ անհրաժեշտ էր առնվազն 67 պատգամավոր:
«Հատուկ չի արվել, քաղաքական ակցիա չէ, տեխնիկական խնդիր էր»,-չկայացած նիատից հետո իրավիճակն այսպես բացատրեց ԱԺ փոխնախագահ Ալեն Սիմոնյանը:
Նա նաև նշեց, որ չի կարծում, թե սրանով ինչ-որ բան բաց կթողնենք: «Համենայնդեպս լավ չէ, որ պատգամավորները լավ չեն հաշվարկել: Ճիշտ կլիներ, որ քվեարկությունից հետո մեկնեին»,- ասաց Սիմոնյանը:
Կարծիքներ