Վրաստանի նախագահը Միշելի հետ զրույցում բողոքել է իշխող պատգամավորներից

Վրաստանի նախագահ Սալոմե Զուրաբիշվիլին Եվրոպական խորհրդի ղեկավար Շառլ Միշելի հետ հեռախոսազրույցի ժամանակ ասել է, որ «Օտարերկրյա գործակալների մասին» օրինագիծը, որը քննարկվում է հանրապետության խորհրդարանում, խոչընդոտում է ԵՄ-ին ինտեգրմանը։ Այս մասին հայտարարել է Վրաստանի ղեկավարի վարչակազմը։

«Վրաստանի նախագահը Եվրոպական խորհրդի նախագահի հետ երկարատև հեռախոսազրույցի ընթացքում քննարկել է երկրում զարգացող իրադարձությունները, Վրաստանի եվրաինտեգրումը և դրան խոչընդոտող գործոնները, մասնավորապես՝ « Արտաքին թափանցիկության ազդեցության մասին» օրինագիծը, որը վերաներկայացրել է խորհրդարանական մեծամասնությունը»,- ասված է հայտարարության մեջ։