Հնդկաստանում մեկնարկել են աշխարհի խոշորագույն ընտրությունները
Հնդկաստանում մեկնարկել են աշխարհի ամենամեծ խորհրդարանական ընտրությունները։ Քվեարկությունն ինքնին տեղի կունենա յոթ փուլով։ Կմասնակցի 968 միլիոն գրանցված ընտրող։ Այս մասին հայտնում է Times of India պորտալը։
«Ամեն ինչ պատրաստ է քվեարկության համար։ Այսօր մեկնարկում են աշխարհի ամենամեծ ընտրությունները, որոնց առաջին փուլը տեղի կունենա ուրբաթ օրը... Մոտ 968 միլիոն գրանցված ընտրողներ կմասնակցեն յոթ փուլով քվեարկությանը:
Ընտրությունները տեղի կունենան ապրիլի 19-ից հունիսի 1-ը։ Ձայների հաշվարկը կավարտվի հունիսի 4-ին։ Քվեարկությունը տեղի կունենա Հնդկաստանի բոլոր 28 նահանգներում և ութ հանրապետական տարածքներում, որտեղ տեղակայվելու են ավելի քան մեկ միլիոն ընտրատեղամասեր»,- ասվում է տեքստում։
Խորհրդարանական ընտրությունների առաջին փուլի քվեարկությունը տեղի կունենա ուրբաթ օրը՝ ժամը 08:00-17:00-ն։ 21 նահանգներում և միության տարածքներում ընտրողները կընտրեն ապագա խորհրդարանի 102 անդամի։ Վերջին ընտրություններն անցկացվել են 2019 թվականին, երբ հաղթեց Նարենդրա Մոդիի կուսակցությունը։ Մոդին առաջիկա ընտրություններում երրորդ անգամ է ձգտում դառնալ վարչապետ։
Կարծիքներ