Իջեւանի քաղաքապետը մեղադրանքը չի ընդունելու․ դիմել են քրգործը կարճելու համար

Իջեւանի համայնքապետ Վարդան Ղալումյանն իրեն առաջադրված մեղադրանքը չի ընդունում։ Այս մասին «Հրապարակ»-ին հայտնեց Ղալումյանը՝ նշելով՝ բացատրություններ է տվել․ «Ես նաեւ նշել եմ, որ կարճեք քրեական գործը, եթե չկարճվի քրգործը, մենք բողոք կգրենք դատախազին, եթե դատախազը չվերացնի, դատական կարգով կվիճարկենք»։

Հիշեցնենք՝ Վարդան Ղալումյանին մեղադրանք է առաջադրվել  առերևույթ չարաշահումների համար։

Մասնավորապես, ըստ Քննչական կոմիտեի տարածած հաղորդագրության՝ ՓԲԸ բյուջետային հիմնարկի տնօրեն է նշանակել իր ընկերոջ կնոջը, որը աշխատանքի չի հաճախել, սակայն աշխատավարձ է ստացել։ 

«Եկել է աշխատանքի, ես ինչքան հաճախել եմ կազմակերպություն, ինքն աշխատանքի է եղել, ինչ իրականությունն ա, ես դա եմ ասում։ Ցանկացած մարդ կարա ցուցմունք տա, բայց ես իրականությունից եմ խոսում։ Ես կազմակերպությունում եմ եղել, ինքը աշխատանքի է եղել, ավելացնեմ նաեւ, որ եթե աշխատանքի չի եղել, ապա ես վերահսկողություն չունեմ՝ լինի աշխատանքի թե ոչ, կամ գործունեություն ծավալելու համար գուցե դուրս է եկել։ Ամեն մի հիմնարկի տնօրեն ինքն ա գործառույթները իրականացնողը։ Ես իմ գործառույթները ճիշտ եմ օգտագործել»,-նշեց Ղալումյանը։