Դիտավորյալ սադրանք է․ ՌԴ ՊՆ-ն՝ Լեհաստանի մեղադրանքների մասին
Hraparak
16 Նոյեմբեր 2022 | 10:52
0
«Ռուսական հրթիռների» մասին Լեհաստանի հայտարարությունները միտումնավոր սադրանք են՝ նպատակ ունենալով լարել իրավիճակը։
Այս մասին հայտնել են Ռուսաստանի Դաշնության պաշտպանության նախարարությունում։
«Պրժևոդուվ բնակավայրում «ռուսական» հրթիռների ենթադրյալ ընկնելու մասին՝ լեհական լրատվամիջոցների և պաշտոնյաների հայտարարությունները դիտավորյալ սադրանք են՝ իրավիճակը սրելու նպատակով։ Ուկրաինա-լեհական պետական սահմանի մերձակայքում գտնվող թիրախներին հարվածներ չեն հասցվել»,- ասվում է ՌԴ ՊՆ մամուլի ծառայության Telegram-ի հաղորդագրության մեջ։
Գերատեսչությունն ընդգծել է, որ դեպքի վայրից լուսանկարված արկերի բեկորները կապ չունեն ռուսական սպառազինության հետ։
Հատկանշական է, որ ԱՄՆ նախագահ Ջո Բայդենը G20-ի առաջնորդների հետ հանդիպումից հետո նույնպես հաստատել է ռուսական կողմի կարծիքը՝ նշելով, թե ոչ մի ապացույց չկա, որ Լեհաստանի տարածքում ընկած հրթիռներն արձակվել են Ռուսաստանից։
Կարծիքներ