Գողացել են Սալվադոր Դալիի գործերից

Ստոկհոլմի Couleur պատկերասրահից գողացել են Սալվադոր Դալիին պատկանող ավելի քան տասը բրոնզե արձանիկներ։ Այս մասին հայտնում է Dagens Nyheter-ը։ Ըստ պատկերասրահի սեփականատեր Պեդեր Էնստրեմի, անհայտ անձինք կարողացել են մուտք գործել պատկերասրահի այն դահլիճը, որտեղ Դալիի գործերի ցուցադրությունն էր եւ գողանալ 10 կամ 12 գործ հայտնի նկարչի գործերից։

Արձանիկները գնահատվում են 200-500 հազար շվեդական կրոն։ Ընդհանուր վնասը կազմել է 3-4 միլիոն շվեդական կրոն։ Իրավապահները սկսել են քննություն գողության փաստի առնչությամբ։