Կարեն Խաչատրյանն ազատ կարձակվի 20 մլն դրամի դիմաց
Գագիկ Խաչատրյանի եղբորորդին՝ Կարեն Խաչատրյանն ազատ կարձակվի: Այս մասին լրագրողների հետ զրույցում ասաց Կարեն Խաչատրյանի փաստաբան Ամրամ Մակինյանը։
Ըստ Մակինյանի՝ Երևանի ընդհանուր իրավասության դատարանը բավարարել է Կարեն Խաչատրյանի կալանքը երկարաձգելու մասին ԱԱԾ միջնորդությունը ու միաժամանակ բավարարել նաեւ պաշտպանական կողմի միջնորդությունն ու գրավի կիրառումը թույլատրելի համարել։
Փաստաբանը հայտնեց, որ գրավի չափ է սահմանվել 20 մլն ՀՀ դրամ: Մակինյանիխոսքով՝ դատարանն օրինական որոշում է կայացրել, քանի որ Կարեն Խաչատրյանին կալանքի տակ պահելու համար բավականաչափ հիմքեր չկան և Կարեն Խաչատրյանն արդեն 5 ամիս է , ինչ գտնվում է կալանքի տակ:
Հիշեցնենք, որ Կարեն Խաչատրյանը կալանքի տակ է օգոստոսի 30-ից: Նա մեղադրվում է առանձնապես խոշոր չափի վատնում կատարելու մեջ: Նույն գործով մեղադրյալի կարգավիճակ ունի նաեւ ՊԵԿ նախկին նախագահ Գագիկ Խաչատրյանը, վերջինս մեղադրվում է առանձնապես խոշոր չափի վատնման եւ պաշտոնեական դիրքի չարաշահման մեջ:
Կարծիքներ