Ուժեղ երկրաշարժ է տեղի ունեցել Ֆիլիպիններում

Ֆիլիպիններում 6.8 մագնիտուդով երկրաշարժ է գրանցվել, հաղորդում է ԱՄՆ երկրաբանական ծառայությունը։

Երկրաշարժը տեղի է ունեցել տեղի ժամանակով 06:11-ին։

Էպիկենտրոնը գտնվում է Մագսայսայ բնակավայրից 5 կմ հյուսիս-արևելք՝ օջախի 8.2 կմ խորությամբ։

Մատանաո քաղաքում շենք է փլուզվել, որի փլատակներում  մնացած 6-ամյա աղջիկը մահացել է, փոխանցում է Tass գործակալությունը։

Մատանաոյի քաղաքապետ Վինսենտ Ֆերնանդեսի խոսքերով՝ երկրաշարժը լուրջ վնաս է հասցրել քաղաքին։