«Իմ քայլում» հակված են վեթթինգ իրականացնել դեռևս միայն դատական համակարգում (տեսանյութ)
ԱԺ «Իմ քայլը» խմբակցության ղեկավար Լիլիթ Մակունցն ասաց, որ վեթթինգի նախագծի շուրջ աշխատանքներ, ուսումնասիրություններ կատարում է ԱԺ Պետաիրավական հարցերի մշտական հանձնաժողովը։ Բայց թե կոնկրետ ովքեր են նախագիծը հեղինակելու և երբ կներկայացվի այն ԱԺ դատին, դժվարացավ ասել։ Միայն նշեց, որ նախագիծը ներկայացվելու է «Իմ քայլը» խմբակցության կողմից։
Լիլիթ Մակունցն ասաց նաև, որ իրենք ունեն այնպիսի դիրքորոշում, որ հակված են միայն դատական համակարգում վեթթինգ իրականացնելուն, իսկ թե հետագա գործողությունները ինչ ցույց կտան և ինչ կունենան արդյունքում, դժվար է ասել։
Hraparak.am-ի հարցին, թե վեթթինգի նախագծով Սահմանադրությանը ձեռք տալո՞ւ են, թե՞ միայն օրենսդրական ակտերի փոփոխությամբ կբավարարվեն, տիկին Մակունցն ասաց․ «Չեմ կարող ասել, կախված է նրանից, թե ինչ մոտեցում կորդեգրենք, ի վերջո»։
Մանրամասն՝ տեսանյութում:
Կարծիքներ