Ուկրաինան հարձակվել է, Ռուսաստանը՝ ետ մղել
![Ուկրաինան հարձակվել է, Ռուսաստանը՝ ետ մղել](https://hraparak.am/uploads/images/2024/05/image_750x_664d89860bd61.jpg)
Ռուսական հակաօդային պաշտպանության միջոցներն անցած գիշերվա ընթացքում ոչնչացրել են երեք ուկրաինական անօդաչու թռչող սարք Բելգորոդի մարզում և մեկը՝ Կալուգայի մարզում: Այս մասին հայտնել Է Ռուսաստանի պաշտպանական գերատեսչությունը։
«Անցած գիշերվա ընթացքում կանխվել են Կիևի ռեժիմի փորձերը ՝ ահաբեկչական հարձակումներ իրականացնել Ռուսաստանի Դաշնության տարածքում գտնվող օբյեկտների վրա օդանավային տիպի ԱԹՍ-ների կիրառմամբ։
ՀՕՊ-ի հերթապահ միջոցներով երեք ուկրաինական անօդաչու թռչող սարք է ոչնչացվել Բելգորոդի մարզի տարածքում և մեկ ԱԹՍ ոչնչացվել է Կալուգայի մարզի տարածքում», - ասվում է հաղորդագրության մեջ։
Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով, այդ թվում ՝ ԱԹՍ-ների միջոցով, գրոհում են ՌԴ սահմանամերձ Բելգորոդի, Բրյանսկի, Կուրսկի և Վորոնեժի մարզերը:
Կարծիքներ