Բողոքի ցույցեր Իտալիայում․ փողոց են դուրս եկել ուսանողները

Իտալիայի տասնյակ քաղաքներում ուսանողները դուրս են եկել փողոց՝ բողոքելով կրթության ֆինանսավորման հետ կապված կառավարության կողմից հնարավոր նորարարությունների հետ։ Այս մասին հայտնում է Associated Press լրատվական գործակալությունը։



Ըստ հաղորդման, ավելի քան երեք հազար մարդ հավաքվել է Հռոմում՝ Իտալիայի կրթության նախարարության շենքի մոտ։ Նախարարության անվտանգության աշխատակիցները ցուցարարներին արգելել են մուտք գործել նախարարության տարածք։ Նախարարությունը նաեւ մերժել է բանակցությունները։



Ցուցարարները այրել են Իտալիայի փոխվարչապետներ Լուիջի դի Մայոյի եւ Մատեո Սալվինյիի տիկնիկները։ Սալվինյին ցույցերը որակել է նողկալի։ Ցուցարարները հատկապես հրավիրել են ուշադրության այն հարցը, որ կա դպրոցների թերֆինանսավորում, եւ առհասարակ կրթության ոլորտը պատշաճ ֆինանսավորում չի ստանում։