Ֆրանսիայի, Գերմանիայի և Լեհաստանի առաջնորդները կարևոր քննարկում ունեն
Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը և Լեհաստանի նախագահ Անջեյ Դուդան Փարիզում կքննարկեն Ուկրաինայի անվտանգության երաշխիքների ապահովման հարցերը։ Այս մասին տեղեկություն է հրապարակել Politico-ն՝ վկայակոչելով ֆրանսիացի պաշտոնյաներին։
Երեք երկրների ղեկավարների փարիզյան հանդիպումը նախատեսված է հաջորդ շաբաթ՝ երկուշաբթի օրը։
Հանդիպմանը կքննարկվի ՆԱՏՕ-ին անդամակցելու և Ուկրաինայի անվտանգության երաշխիքների վերաբերյալ Կիևի հայտարարությունը՝ ՆԱՏՕ-ի գագաթնաժողովի նախաշեմին, որը տեղի կունենա այս տարվա հուլիսին։
Հիշեցնենք, որ անցյալ շաբաթ Մակրոնը կոչ էր արել Ուկրաինայի համար ապահովել անվտանգության հուսալի երաշխիքներ։
Նրա խոսքով, անհրաժեշտ է Կիևին կոնկրետ ճանապարհ առաջարկել ՆԱՏՕ-ին անդամակցելու համար։
Իր հերթին, Գերմանիայի կանցլերը նշել է, որ այս պահին ողջ ուշադրությունը պետք է կենտրոնացվի ոչ թե Դաշինքին Ուկրաինայի անդամակցության վրա, այլ այն ձևի վրա, որով Ուկրաինային կարող են աջակցել։ Լեհական կողմն իր հերթին Ուկրաինայի անվտանգության լուրջ երաշխիքներ է պահանջել։
Կարծիքներ