Թուրքիան եւ Քաթարը համատեղ զորավարժություն կանցկացնեն
Թուրքիան եւ Քաթարը համատեղ զորավարժություն կանցկացնեն Քաթարի Էմիրության տարածքում, որին կմասնակցի 250 թուրք զինվորական եւ առնվազն 30 միավոր տեխնիկա: Այս մասին հայտնում է թուրքական Hurriyet Daily News-ը: Զորավարժությունների առաջին փուլը տեղի կունենա ցամաքային զորքերի մասնակցությամբ, իսկ արդեն երկրորդ փուլում կմիանան նաեւ ռազմա-ծովային ուժերի ստորաբաժանումները: Այս նպատակով Քաթարի Համադ նավահանգիստ է ժամանել թուրքական F-496 TCG «Gokova» ֆրեգատը 214 զինվորականներով:
Զորավարժություններն անցկացվում են թուրք-քաթարական ռազմական գործակցության շրջանակներում: Զորավարժությունները կտեւեն մինչեւ օգոստոսի 8-ը: Նշենք, որ վերլուծաբանները այս զորավարժությունները համարում են ընդդեմ արաբական քառյակի ուժի ցուցադրություն:
Կարծիքներ