Մարզպետարանները թափանցիկ դարձնելու փորձ
![Շուշան Դոյդոյան](/images/2011/01/IMG_7643-e1295600651547-400x250.jpg)
«Օգտագործելով ժամանակակից տեխնիկական լուծումները` հնարավոր է դարձել տվյալ մարզի եւ համայնքների մասին բավականին մեծ ծավալի տեղեկատվություն հասանելի դարձնել հանրությանը: Մենք հուսով ենք, որ կայքերը գործուն կլինեն, կապահովեն հասարակության հետ հետադարձ կապը, քաղաքացիներին հնարավորություն կընձեռեն ծանոթանալ ոչ միայն մարզպետարանների, այլեւ համայնքների ղեկավարների եւ ավագանու որոշումներին` այդպիսով նպաստելով նաեւ տեղական ինքնակառավարման մարմինների գործունեության թափանցիկությանը»,- շնորհանդեսի ժամանակ նշել է ՀՀ Տարածքային կառավարման նախարարի առաջին տեղակալ Վաչե Տերտերյանը:
Կոտայքի մարզպետ Կավալենկո Շահգալդյանի խոսքով` արդիականացված կայքերը կնպաստեն մարզպետարանի գործունեության հրապարակայնությանը և հանրային իրազեկման աշխատանքների առավել թափանցիկ կազմակերպմանը:
«Հայաստանը ձգտում է բարելավել իր էլեկտրոնային կառավարման համակարգերը. պատիվ ունեինք այդ կարևոր հարցում օժանդակելու մարզպետարանների համար տեղեկատվության ազատության միջազգային չափանիշներին եւ մասնավորապես ՀՀ Տեղեկատվության ազատության մասին օրենքին համապատասխան միանման կայքերի մշակմանը», - ասել է ԱՄՆ ՄԶԳ Հայաստանի տնօրենի պաշտոնակատար Ստիվեն Բրագերը:
«Ինֆորմացիայի ազատության կենտրոն» ՀԿ-ի նախագահ Շուշան Դոյդոյանը կարեւորում է այն փաստը, որ այս արդիականացված ռեսուրսները լայն հնարավորություն են ընձեռում մարզպետարաններին կատարել իրենց պարտավորությունը, որն է՝ սեփական նախաձեռնությամբ հանրության համար մատչելի դարձնել իրենց տնօրինման տակ գտնվող տեղեկությունները:
Կայքերում հրապարակված են պարտադիր հրապարակման ենթակա բոլոր տեղեկությունները, որոնք հանրային կարևորություն ունեն։ Կայքում օգտագործողները կարող են ծանոթանալ տեղեկատվության ազատության օրենսդրությանը, ինչպես նաեւ առցանց հետևել իրենց հարցումներին, նամակ-դիմումներին:
Կարծիքներ