14-ամյա աղջնակը կախվել է գոմում
Կիրակի օրը ժամը 17:00 սահմաններում 14- ամյա աղջնակ է ինքնասպան եղել: Դեպքը տեղի է ունեցել Կոտայքի մարզի Լեռնանիստ գյուղում: Տատը թոռանը` Մագդային գտել է գոմում կախված վիճակում: Նշանակվել է դատաբժշկական փորձաքննություն: Աղջիկն ապրում էր Հրազդանում, միկրոշրջանի 86 շենքում:
Դեպքի օրը զրուցեցինք Մարկոսյանի ընտանիքի հարևանների հետ: Նրանք պատմում էին, որ ծնողները մոտ 2 ամիս առաջ մեկնել էին Ռուսաստան աշխատելու և Մագդան ու իր եղբայրը ապրում էին հորական տատիկի հետ: Մագդան ամեն շաբաթ կիրակի օրերին գնում էր մորական տատիկի տուն, որտեղ էլ էլեկտրական լարն օգտագործելով ինքնասպանության է դիմել: Թե ինչն է պատճառ դարձել նման քայլի, առայժմ անհայտ է՝ կատարվում է հետաքննություն: Երեկ արդեն ոստիկանությունը դպրոց էր եկել՝ զրուցում էին աղջկա համադասարանցիների հետ: Կատարվածի պատճառները պարզելու համար նաեւ ուսումնասիրում են նրա «Օդնոկլասսնիկի» էջը, տանն են խուզարկություն կատարել:
Հրազդանում շրջանառվում է մի վարկած, որ աղջկա վրա ազդեցություն են գործել Էմոները, որոնք վերջին շրջանում ակտիվացել են: Ի դեպ, Հրազդանում վերջերս մի քանի նման դեպք է արձանագրվել:
Ն. Կ.
Կարծիքներ