ՀԱԿ ներկայացուցիչները հանդիպել են Վրաստանի դեսպանին
hraparak
22 Հոկտեմբեր 2014 | 20:18
0
Հոկտեմբերի 22-ին տեղի է ունեցել Հայ Ազգային Կոնգրեսի փոխնախագահ Լեւոն Զուրաբյանի եւ արտաքին հարաբերությունների հանձնաժողովի նախագահ Վլադիմիր Կարապետյանի հանդիպումը Վրաստանի դեսպան Թենգիզ Շարմանաշվիլիի հետ:
ՀԱԿ մամուլի ծառայությունից հայտնում են, որ Լ. Զուրաբյանը ներկայացրել է Կոնգրեսի գնահատականները Հայաստանում ստեղծված իրավիճակի վերաբերյալ՝ ընդգծելով եռյակի ձեւավորման եւ գործունեության կարեւորությունը Հայաստանում սահմանադրական կարգի վերականգնման եւ արմատական փոփոխություններ անցկացնելու գործում:
Տեղի է ունեցել նաեւ մտքերի փոխանակում արտաքին քաղաքական հարցերի, մասնավորապես, հայ-վրացական հարաբերությունների հեռանկարների, տարածաշրջանային խնդիրների վերաբերյալ:
Հանդիպմանը մասնակցում էր Վրաստանի փոխդեսպան Գեորգի Սագանելիձեն:
Կարծիքներ