Ազգային ժողովի մոտից բերման է ենթարկվել 21 հոգի | տեսանյութ
hraparak
5 Հոկտեմբեր 2015 | 12:02
0
ԱԺ-ի շենքի մոտ «Չեք անցկացնի» նախաձեռնության կազմակերպած հանրահավաքից Ոստիկանության բաժին է բերման ենթարկվել բողոքի ակցիայի 21 մասնակից. այս մասին Hraparak.am-ին հայտնեցին ոստիկանության լրատվության բաժնից:
«Երեք ժամը լրանալուց հետո նրանք ազատ կարձակվեն, բերման են ենթարկվել, որովհետև ոստիկանի օրինական պահանջը չեն կատարել»,-ասաց ոստիկանությունից: Բերման ենթարկվածների մեջ են նախաձեռնության անդմաներ Արշակ Մուսախանյանը, Վարդան Հարությունյանը, Արեգ Գևորգյանը, փաստաբան Տիգրան Եգորյանը, բերման ենթարկվածների մեջ էր նաև Լևոն Տեր-Պետրոսյանի գրասենյակի ղեկավար Ավետիս Ավագյանը:
Հիշեցնենք, որ ակտիվիստները բերման են ենթարկվել, երբ ակցիայի մասնակիցները կանգնել էին Ազգային ժողովի ճաղավանդակներին եւ փորձում էին փակցնել «Ոչ» գրությամբ մեծ պաստառը: Բերման էին ենթարկել նաև ՀԱԿ պատգամավոր Արամ Մանուկյանին:
Նշենք, որ Ազգային ժողովը քիչ առաջ ընդունեց «ՀՀ նախագահի համար ընդունելի առաջարկների հիման ՀՀ սահմանադրության փոփոխությունների նախագիծը հանրաքվեի դնելուն համաձայնություն տալու մասին» ԱԺ որոշման նախագիծը:
Կարծիքներ