Եթե Շիրխանյանը ներքաշված էր, 25 օր հանգիստ կմնա՞ր Երևանում. Ժիրայր Սեֆիլյան
hraparak
22 Դեկտեմբեր 2015 | 15:15
0
Ազատության հրապարակում «Նոր Հայաստան»-ի ամփոփիչ քաղաքացիական հանդիպման ժամանակ շարժման անդամ Ժիրայր Սեֆիլյանն անդրադարձավ Նորք Մարաշի զինված խմբի վնասազերծմանը և Պաշտպանության նախարարի նախկին տեղակալ Վահան Շիրխանյանի կալանավորմանը:
Նա նշեց, որ ինչպես շատերին, այնպես էլ իրեն այդ ամբողջ պատմությունը անլուրջ է թվում, և դա նրանի է, որ գործող ռեժիմը և նրա չակերտավոր անվտանգության ծառայությունը վաղուց վստահություն չեն ներշնչում:
Սեֆիլյանը նկատեց, որ առնվազն տարօրինակ է, թե ինչու են Վահան Շիրխանյանին ձերբակալել Նորքում հանցավոր խումբը բացահայտելուց 25 օր անց միայն: «Շատ հարցեր են առաջանում»,- ասաց նա և հարցով դիմեց ներկաներին՝ եթե Վահան Շիրխանյանը ներքաշված լիներ, այդ օրերին կմնա՞ր հանգիստ Երևանում:
«Ուստի այնքան խճճված է այդ գործը, որ վստահ եմ՝ ռեժիմը դրա տակից չի կարող դուրս գալ»,- եզրակացրեց Սեֆիլյանը:
Կարծիքներ