Ռուսաստանը Երկրորդ համաշխարհայինում չէր հաղթի առանց Ուկրաինայի. Պորոշենկո

Ուկրաինայի նախագահ Պյոտր Պորոշենկոն հայտարարել է, թե Ռուսաստանը Երկրորդ աշխարհամարտում չէր հաղթի, եթե չլիներ Ուկրաինան: Հայտարարությունն արվել է Կարմիր բանակի վետերանների հետ մայիսի 9-ի կապակցությամբ կազմակերպված նախատոնական հանդիպման ժամանակ: Ի դեպ, Պորոշենկոն նույնօրինակ հայտարարություն էր արել նաև անցյալ տարվա մայիսի 9-ին` հավելելով, թե ոչ ոք իրավունք չունի սեփականաշնորհել այդ մեծ հաղթանակը:

Ուկրաինացիների վճռորոշ մասնակցության հերքումը նա համարել է լկտիություն` ակնարկն ուղղելով, ըստ ամենայնի, Ռուսաստանի կողմը: Նրա համառ հայտարարությունները, իհարկե, հանդիսանում են անմիջական արձագանքը Վլադիմիր Պուտինի` 2010թ-ին ասված խոսքերի, թե` Ռուսաստանը նացիստական Գերմանիային կհաղթեր նաև առանց Ուկրաինայի մասնակցության: