Եթե նորից տեսնեմ ժողովուրդը տարերային վիճակում է, ես էլի կբարձրանամ հարթակ. Եղիշե Պետրոսյան

«Քաղաքացիական ակտիվությունն իհարկե միշտ էլ իմ մոտ կպահպանվի».- համոզված է երաժիշտ Եղիշե Պետրոսյանը: Ինչպես երեկ տեղեկացանք, «Նախաքննական մարմնի որոշմամբ դադարեցվել է զանգվածային անկարգություններ կազմակերպելու մեջ կասկածվող Եղիշե Պետրոսյանի նկատմամբ իրականացվող քրեական հետապնդումը` նրա գործողություններում հանցակազմի բացակայության պատճառաբանությամբ: Նրան ազատ են արձակել:

Նշենք, որ Եղիշե Պետրոսյանին առողջական խնդիրների պատճառով չէին էլ հասցրել կալանավայր տանել, վերջինս գտնվում էր նախակաթվածային իրավիճակում: Hraparak.am-ի հետ զրույցում Եղիշե Պետրոսյանը նշեց, որ թեպետ հիմա արդեն իր առողջականը համեմատաբար ավելի լավ է, սակայն շարունակում է գտնվել հիվանդանոցում: Հետաքրքրվեցինք, արդյոք կազդուրվելուց հետո նորից կիմանա՞ պայքարին. «Եթե նորից տեսնեմ, որ ժողովուրդը տարերային վիճակում է, ես էլի կբարձրանամ հարթակ, եթե կզգամ, որ ժողովուրդը լավ ինքնակազմակերպվում է, ես ուղղակի կլինեմ ժողովրդի մեջ».- ասաց Եղիշե Պետրոսյանը, ով նշեց, որ հետևում է Ազատության հրապարակում տեղի ունեցող ամենօրյա հավաքներին. «Ես կարծում եմ, որ այս պայքարը հաղթանակով է հանգուցալուծվելու»:

Նշենք,որ Եղիշե Պետրոսյանը «Սասնա ծռերին» աջակցող «Հակաճգնաժամային նախաձեռնող խորհրդի» անդամ է, ակտիվորեն մասնակցում էր վերջին օրերի բողոքի ակցիաներին: Վերջին մի քանի օրերին նրան ազատ արձակելու կոչով են հանդես եկել շոու բիզնեսի մի քանի ներկայացուցիչներ, մասնավորապես՝ դերասանուհի Նազենի Հովհաննսիյանը, Ալլա Լեւոնյանը, Նադեժդա Սարգսյանը եւ այլք