Նոր ԱԺ, նոր բարքեր (լրագրային շանսոն)

ՀՀ ԱԺ նախագահի ընտրությունների ժամանակ «Ելք» դաշինքի խմբակցության պատգամավորները մտել են Արա Բաբլոյանի նախընտրական շտաբ, այնտեղ հայտնաբերել Բաբլոյանի ընտրողների ցուցակներն ու լիքը փող, այն է` ընտրակաշառք:

***
«Ծառուկյան» դաշինքի 3 պատգամավորները, ովքեր հրաժարվել են ընտրակաշառքով քվեարկել Արա Բաբլոյանի օգտին, որպես ընտրակաշառքի հարկադրված պատգամավորներ, միանվագ 15 հազարական դրամ կստանան «Ելք» դաշինքի ֆրակցիայից:

***
Այսօր առավոտյան Գալուստ Սահակյանը գնացել է, որ նստի իր սովորական տեղը, բայց Արա Բաբլոյանի թիկնապահները ժամանակին կանխել են: Իմանալով այդ մասին Բաբլոյանն ասել է` ոչինչ, մեծ մարդ է …

***
Պաշտոնների մասհանումից անմասն մնացած Արմեն Աշոտյանին, հավանաբար, կնշանակեն բժիշկ` Արա Բաբլոյանի թափուր թողած աթոռին նստելու համար:

***
Սերժ Սարգսյանն այդքան ավետարան կարդաց պատգամավորների գլխին, պատգամավորներն ասին` շուտ արա, հոտը սարն անց կացավ…

***
Հինգ տարով կվարձակալեմ 2 սենյականոց աշխատասենյակ ԱԺ-ում: Նորընտիր պատգամավոր:

***
Հինգերորդ գումարման ԱԺ-ն վերցրել է 6-րդ գումարման ԱԺ-ի գործուղման փողերը և թռել հայդե` Դուբայ: ԱԺ աշխատակազմ:

***
Եվ մեկ կողմնակի լուր

ՕՐՕ դաշինքի յոթի և քառսունքի արարողություններին Օհանյանը, Րաֆֆին, և Օսկանյանը չեն մասնակցել: Հարցին` իսկ տարուն կգա՞ն, դաշինքին մոտ կանգնած մեր աղբյուրը խեղճ-խեղճ պատասխանեց` հազիվ թե:

Էդիկ Անդրեասյան