Գերասիմ Վարդանյանը ձերբակալվեց
![Գերասիմ Վարդանյանը ձերբակալվեց](https://hraparak.am/uploads/images/2024/06/image_750x_666d9280e9d2e.jpg)
ՀՅԴ անդամ Գերասիմ Վարդանյանը, որը քրեական վարույթի շրջանակում 11 անձի ձերբակալելու և կուսակցության գրասենյակներում խուզարկությունների ֆոնին ինքնակամ ներկայացել էր ՀՀ քննչական կոմիտե, ձերբակալվեց։
Նա ներգրավված է քրեական վարույթներից մեկում և մեղադրվում է «Տավուշը հանուն հայրենիքի» շարժման մասնակիցներին նյութապես շահագրգռելու մեջ։ Նրան տարան ոստիկանության Քանաքեռ–Զեյթունի բաժին։
Վարդանյանի փաստաբան Բենիկ Գալստյանն ասաց, որ կգնան բաժին` հասկանալու, թե իրականում ինչ գործի մասին է խոսքը։
«Ամեն ինչ պարզ է, մեր ուզածով պետք է լինի ամեն ինչ։ Այս պայքարը տևելու է այնքան, մինչև հայ ժողովուրդը հաղթանակ ունենա»,– ձերբակալությունից առաջ ասաց Գերասիմ Վարդանյանը։
Կարծիքներ