Ուկրաինան գրոհել է. ՌԴ-ում նավթի պահեստ է այրվել
Hraparak
20 Հունիս 2024 | 10:38
0
Ադիգեայում ուկրաինական հարձակման պատճառով հրդեհ է բռնկվել Էնեմ քաղաքային ավանի նավթի պահեստում։ Այս մասին հայտարարել է հանրապետության ղեկավար Մուրատ Կումպիլովը։
«Այս գիշեր անօդաչու թռչող սարքերի հարձակման հետևանքով հրդեհ է բռնկվել Թախտամուկայ շրջանի Էնեմ բնակավայրի նավթի պահեստում», - գրել է Կումպիլովը Telegram-ի իր ալիքում։
Հարձակման հետևանքով զոհեր և վիրավորներ չեն եղել։ Հրդեհի տարածքը կազմել է մոտ 400 քմ։ Այն ամբողջությամբ վերացվել է։
Ռուսաստանի պաշտպանության նախարարությունը հայտնել է, որ Ադիգեայի երկնքում Ուկրաինայի զինված ուժերի վեց անօդաչու թռչող սարքեր են որսացել։
Գերատեսչությունն ԱԹՍ-ներով գրոհն անվանել է ահաբեկչության փորձ։
Կարծիքներ