Մեսսին ներողություն է խնդրել
Լիոնել Մեսսին ներողություն է խնդրել ՊՍԺ-ից Սաուդյան Արաբիա մեկնելու համար։
ArmSport.am-ի հաղորդմամբ՝ ավելի վաղ հայտնի էր դարձել, որ փարիզյան ակումբը երկու շաբաթով որակազրկել է արգենտինացի ֆուտբոլիստին՝ առանց թույլտվության Մերձավոր Արևելք մեկնելու համար։ Նա բաց կթողնի «Տրուայի» և «Այաչոյի» դեմ հանդիպումները:
Սոցցանցում Լիոնել Մեսսին այս իրավիճակի հետ կապված կոչ է հրապարակել։
«Կարծում էի, որ խաղից հետո մեզ հանգստյան օր կտան, ինչպես միշտ: Ես կազմակերպել էի ճանապարհորդությունը և չկարողացա չեղարկել այն: Քանի որ ես ավելի վաղ արդեն ստիպված էի եղել չեղարկել այն:
Ներողություն եմ խնդրում իմ թիմակիցներից և սպասում եմ ակումբի որոշմանը»,- ասել է խաղացողը:
Կարծիքներ