Պոկում վարժությունից հետո այնքան էլ հույս չունեի, բայց կարողացա ուժերս հավաքել ու կռիվ տալ․ Ալեքսանդրա Գրիգորյան
Շատ ուրախ եմ, որ կարողացա նվաճել Եվրոպայի չեմպիոնի տիտղոսը, բարձրացնել Հայաստանի դրոշը: Կարող եմ ասել, որ պոկում վարժությունից հետո այնքան էլ հույս չունեի, որ երկամարտի արդյունքով կարող եմ չեմպիոն դառնալ, բայց ուժերս ի վերջո կարողացա հավաքել։ Այս մասին «Զվարթնոց» օդանավակայանում չեմպիոնների դիմավորման արարողության ժամանակ լրագրողների հետ զրույցում ասել է Եվրոպայի նորընծա չեմպիոն, 19-ամյա Ալեքսանդրա Գրիգորյանը։
«Այո, ես ուժերս հավաքեցի, կռիվ տվեցի ու կարողացա առաջին տեղը զբաղեցնելը, ինչի համար շատ ուրախ եմ։ Փարիզի օլիմպիական խաղերին չեմ մասնակցելու, բայց 2028-ի օլիպիականի ժամանակ ամեն ինչ կանեմ, որ բոլորի հույսերը փորձեմ արդարացնեմ»,- ասել է նա։
Կարծիքներ