Էլ չեմ գրի. Անդրեասյանը հայտնել է, թե ինչու էր ամեն օր նոր «լավ բան» հայտնում
Մի լավ բան #9, Էլ չեմ գրի լավ բան: Այս մասին ֆեյսբուքյան իր էջում գրել է ԲԴԽ նախագահ Կարեն Անդրեասյանը՝ պարզաբանելով, թե ինչու էր գրում լավ բաների մասին:
«Հետևյալ հասցեատերերին ուզում էի ասել.
- Հայաստանում ապրողին` ամեն օր մի նոր լավ բան անելու համար պետք է հիշել եղած լավ բաներից գոնե մեկը:
- Սփյուռքահային` վերադարձիր հայրենիք, այստեղ հազարավոր լավ բաներ կան ու քեզնով դրանք կշատանան:
- Իշխանավորին` քո արած լավ գործը գնահատվում է, թևաթափ մի եղիր անվերջանալի ու անարդար հարվածներից:
- Ընդդիմադիրին` լավին լավ ասելն ամոթ չէ, և քո արդար քննադատությունը դրանով ավելի կարժևորվի:
- Արտաքին թշնամուն` մտքովդ չանցնի, թե մենք թշվառ ենք ու կործանված` չնայած քո համախոհները ներսից մեզ այդպես են պատկերում:
Հայաստանը կա ու լինելու է: Լավը կա ու շատանալու է:
Շնորհավո´ր բանակի օրը»,-նշել է նա:
Կարծիքներ