Եղեգնուտում խառը վիճակ է, մի կողմից գյուղապետի հրաժարականն են պահանջում, մյուս կողմից՝ գյուղապետին պահանջում (տեսանյութ)

Արմավիրի մարզի Եղեգնուտ գյուղում հեղափոխությունը ոմանց մոտ ընդդիմադիր բռնկումներ է առաջացրել։ Գյուղի 30-40 բնակիչ, որոնց ղեկավարում է նախկինում գյուղապետի թեկնածություն առաջադրած և պարտված Ռուզվելտ Մկրտչյանը, դուրս են ելել գործող գյուղապետ Ռազմիկ Մարգարյանի դեմ ու պահանջում են նրա հրաժարականը։



Մարգարյանը 34 տարի է՝ ղեկավարում է գյուղը, գյուղացիներն էլ ասում են՝ իրենց գյուղապետից դժգոհ չեն, ուղղակի հեղափոխության ալիքի տակ որոշ մարդիկ որոշել են առիթից օգտվել և պահանջել գյուղապետի հրաժարականը։ Այսօր առավոտից գյուղի մոտ 200 բնակիչ դուրս է եկել փողոց՝ ի պաշտպանություն գործող գյուղապետի։ Մեզ ասացին, որ Ռազմիկ Մկրտչյանը ԲՀԿ-ական նախկին պատգամավոր, Սև հովազ անունով հայտնի ազատամարտիկ Ռուստամ Գասպարյանի քրոջ ամուսինն է։



Մանրամասն՝ տեսանյութում



**Վահե ՄԱԿԱՐՅԱՆ**