Ռեկտորի պաշտոնակատարը «կընտրվի»
Թեեւ կրթության եւ գիտության նախարար Արմեն Աշոտյանը հայտարարել էր, թե ամառվա վերջին կհայտարարվի Մխիթար Հերացու անվան բժշկական համալսարանի ռեկտորի թափուր պաշտոնի մրցույթ, սակայն այն դեռ չկա: Թերեւս չշտապելու պատճառն էլ այն է, որ թեկնածուն վաղուց կանխորոշված է: Դերենիկ Դումանյանի՝ առողջապահության նախարար նշանակվելուց հետո ժամանակավոր պաշտոնակատար է նշանակվել ուսումնական գծով պրոռեկտոր Սամվել Ավետիսյանը: Մեզ հասած տեղեկություններով, հենց նա էլ «կընտրվի» ռեկտոր: Նշենք, որ նրա ռեկտոր լինելը դժգոհություն է առաջացրել մասնավորապես բուհի ակտիվ ուսանողների շրջանում, քանի որ Սամվել Ավետիսյանը նախկինում զբաղված է եղել ակտիվիստների գործունեությունն ու ընդհանրապես քաղաքական հայացքները վերահսկելով եւ սահմանափակելով:
Կարծիքներ