Մանրամասներ գործարարի սպանության դեպքի հետ կապված
Ինչպես արդեն տեղեկացրել էինք, հունվարի 29-ին հիվանդանոցում մահացել է Նոր Խարբերդ գյուղում գտնվող հարսանյաց սրահում անհայտ անձի կողմից հրազենային վնասվածքներ ստացած 1965 թ. ծնված Գրիգոր Խաչատրյանը::
Ըստ Yerkir.am-ի՝ դեպքը տեղի է ունեցել նրան պատկանող հարսանյաց սրահում, որտեղ այդ պահին ոչ ոք չի եղել: Գործարարը վիրավոր վիճակում նստել է իր մեքենան և փորձել գնալ հիվանդանոց, սակայն ճանապարհին, կորցնելով հավասարակշռությունը, մեքենայով բախվել է պատին, հետո տարածքում ծանոթ մարդ է նկատել և խնդրել` իրեն հիվանդանոց հասցնել, որտեղ և մահացել է:
Ըստ կայքի տեղեկությունների` սպանվածն ուներ երկու դուստր և մեկ որդի: Ի դեպ` հարսանյաց սրահը նրա դուստրերից մեկի` Լիլիի անունով է կոչվում:
Խաչատրյանին ճանաչողները yerkir.am-ին հայտնել են, որ գործարարը երբեք թշնամիներ չի ունեցել, չափազանց լավ անձնավորություն էր:
Լուսանկարում Գրիգոր Խաչատրյանն է` իր դուստրերի հետ:
Կարծիքներ