Արմեն Մուրադյանը՝ իր հնարավոր պաշտոնանկության եւ Քուշկյանի հրաժարականի մասին

Առողջապահության նախարար Արմեն Մուրադյանին խնդրեցինք մեկնաբանել իր պաշտոնանկության եւ Առողջապահության համաշխարհային կազմակերպությունում՝ որպես նախագահի տեղակալ նշանակվելու մասին լուրերը:
Նա ասաց, որ առաջին անգամ լրագրողներից է լսում իր պաշտոնանկության մասին։ Լրատվամիջոցներում թյուրիմացություն է եղել։ «Հրավերը, որը ստացվել է, վերաբերում է մայիսի 21-ից 28-ը Առողջապահության համաշխարհային կազմակերպության վեհաժողովին լինել համանախագահող ընդամենը 7 օրվա ընթացքում։ Չգիտեմ, ձեզ հիասթափեցրեցի, թե ուրախացրեցի։ Եղել է համանախագահության առաջարկ», - ասաց նախարարը։ 

Պատասխանելով «Հրապարակի» հարցին, թե ինչպես կմեկնաբանի Հարություն Քուշկյանի Առողջապահության նախարար նշանակվելու լուրը, նա պատախանեց, որ եւս առաջին անգամ է լսում և որեւէ մեկնաբանություն չունի:

Նշենք, որ Հարություն Քուշկյանը քիչ առաջ ազատվել է ԼՂՀ Առողջապահության նախարարի պաշտոնից։ Նա վերադառնում է Հայաստան: