Լուիզա Ղամբարյանը՝ «Վստրեչի Ապերի» գործով վկա հանդիսանալու մասին

«Մամիկոն Բագրատունին իմ եղբայրն է։ Այլ մանրամասներ չեմ կարող հայտնել»։ Այս մասին «Հրապարակ»-ի հետ զրույցում ասաց դերասանուհի Լուիզա Ղամբարյանն՝ անդրադառնալով «Վստերչի Ապեր» մականունով հայտնի Արամ Վարդանյանի գործով վկայի կարգավիճակ ունենալու հանգամանքին։ Դերասանուհին, սակայն, չցանակացավ այլ մանրամասներ հայտնել։

Հարցին՝ ճանաչո՞ւմ է Արամ Վարդանյանին, շփում ունեցե՞լ է նրա հետ, մեր զրուցակիցն ասաց, որ դա գործին է առնչվում, ոչինչ չի կարող ասել։

Հիշեցնենք, որ հունիսի 4-ին, ոստիկանության կազմակերպված հանցավորության դեմ պայքարի գլխավոր վարչությունում Մամիկոն Բագրատունին հաղորդում էր տվել, որ 2017 թվականի հուլիսի 17-ին Նորագավիթ թաղամասում մի սուպերմարկետի մոտից «Վստրեչի ապեր» մականվամբ Արամ Վարդանյանը և մի խումբ անձինք, նախնական համաձայնությամբ, բռնություն գործադրելով առևանգել են իրեն, տեղափոխել Վարդանյանին պատկանող Արցախի փողոցի մի շինություն, տևական ժամանակ իր կամքին հակառակ պահել այնտեղ, ծեծի ենթարկել ու մարմնական վնասվածքներ պատճառել: