Ադրբեջանին օդային տարա՞ծք ենք տվել Սյունիքի վրայով (լուսանկար)
«Իսրայելահայեր» թերթի գլխավոր խմբագիր, Պետախ Տիկվա քաղաքի իսրայելահայերի «Նաիրի» միության նախագահ Արտյոմ Չերնամորյանը ֆեյսբուքի իր էջում գրառում է կատարել՝ կից լուսանկար հրապարակելով․
«Հարց Հայաստանի ղեկավարությանը - Վարանդայի՝ այժմ Ֆիզուլիի միջազգային օդանավակայանից ուղիղ չվերթ է լինելու՞ է Հայաստանի տարածքով, ավելի ճիշտ՝ Սյունիքի վրայով դեպի Նախիջևան ազերական «Silk Way» զենք տեղափոխող ավիաընկերության կողմից:
Սա առաջիկա 7 օրերի չվացուցակի մեջ է ընդգրկված: Փաստորեն, ցամաքային ոչ, բայց օդային միջանցք տվե՞լ ենք․ ասել կուզի՝ ազերներն իսրայելական զենքը Սյունիքի վրայով տեղափոխելու են ուղիղ չվերթով Նախիջևան՝ ուժեղացնելով Նախիջևանում իրենց բանակը մեր դեմ ու սա մեր թույլտվությա՞մբ։
Ի դեպ, Վարանդայի օդանավակայանում, ըստ որոշ շրջանառվող լուրերի, Արցախյան երկրորդ պատերազմից հետո Իսրայելը ստեղծել է հենակետ, որտեղից աշխատում է Իրանի դեմ: Իսկ իսրայելյան զենքի առկայությունն ազերստանում վաղուց ապացուցված փաստ է»։
Կարծիքներ