Բաքվում սպանել են 3 ոստիկանի և մեկ քաղաքացիական անձի. ի՞նչ է հայտնի
Hraparak
24 Հունիս 2024 | 11:00
0
Հունիսի 24-ին Բաքվի թաղամասերից մեկում արյունալի միջադեպի է տեղի ունեցել, հայտնում է ԱՊԱ-ն: Մի քանի դատվածություն ունեցող, վերջին շրջանում հետախուզման մեջ գտնվող 38-ամյա Ալլահվերդիև Ռովշան Օգթայ օղլուն իրեն բերման ենթարկելիս զինված դիմադրություն է ցույց տվել ոստիկանության աշխատակիցներին:
ՆԳՆ-ի և գլխավոր դատախազության համատեղ տեղեկատվության համաձայն, թաքնվելով ընտանիքի անդամների հետևում և օգտվելով ստեղծված իրավիճակից, տղամարդը սկսել է կրակել Lancaster որսորդական հրացանից՝ սպանելով 3 ոստիկանի և մեկ քաղաքացիական անձի։
Ռովշան Ալլահվերդիևը չեզոքացվել է ոստիկանության աշխատակիցների կողմից:
Փաստի առթիվ հարուցվել է քրեական գործ, կատարվում են քննչական գործողություններ։
Կարծիքներ