Սանկցիաները խափանում են ռուս-եվրոպական համատեղ ծրագրերը․ Մարիա Զախարովա

Ռուսաստանի եւ ԵՄ համատեղ ծրագրերը խափանվել են այն սանկցիոն քաղաքականության եւ ագրեսիվ հռետորաբանության պատճառով, որը Բրյուսելը վարում է Մոսկվայի հանդեպ։ Այս մասին հայտարարել է ՌԴ ԱԳՆ խոսնակ Մարիա Զախարովան։

Ավելի վաղ, Ավստրիայի ԱԳ նախարար Ալեքսանդր Շալլենբերգը հայտարարել էր, որ ԵՄ-ն ցանկանում է երկխոսություն Մոսկվայի հետ, սակայն Մոսկվան դեռ չի ուզում սկսել այդ երկխոսությունը։

Ի պատասխան այս հայտարարության էլ, Զախարովան ասել է, որ դա ճիշտ չէ, քանի որ բազմաթիվ հումանիտար, քաղաքական եւ տնտեսական նախագծեր են եղել, որ Ռուսաստանն ու ԵՄ-ն մասնակցել են, իսկ հիմա եվրոպական կողմը երկխոսությունը փոխարինել է ագրեսիվ հռետորաբանությամբ եւ անհիմն մեղադրանքներով եւ ապատեղեկատվական արշավներով։