Որն է Արցախի ապաշրջափակման բանալին. քաղաքագետ
Քաղաքագետ Վլադիմիր Մարտիրոսյանը գրում է.
«Հանուն Արցախ տանող ճանապարհի բացման և Արցախի ապաշրջափակման համար տարվող բոլոր ակցիաներն ու հավաքները, պահանջներն ու պաստառները եղել են կան և մնալու են բացարձակ անօգուտ, քանի դեռ դրանք խնդրողի, աջակցություն սպասողի, արդարություն փնտրողի, այսինքն՝ «խաղաղասիրության ծիրին մեջ են»:
Հանուն Արցախ տանող ճանապարհի բացման և Արցախի ապաշրջափակման համար տարվող բոլոր միջոցառումները մնալու են «օտարալեզու պաստառային» և «օտար ափերից հումանիզմ սպասող» ռեժիմում, քանի դեռ ողջ գործընթացը չի կրում քաղաքական բնույթ, միայն քաղաքական բնույթ, сугубо քաղաքական բնույթ, ներքաղաքական մեղավորների հստակ հասցեգրմամբ, հստակ պատասխանատվության կանչմամբ և երկրի տարածքային ամբողջականության վերականգնման երկաթյա պահանջատիրությամբ:
Ձեր պահանջատիրական հումանիզմա-ապաքաղաքականությունը սահուն վերածվում է իշխանական խաղաղության դարաշրջանի սպասարկման:
Հ.Գ Արցախի ապաշրջափակման բանալին Հայաստանի տարածքային ամբողջականության վերականգնման մեջ է: Սա է պահանջն ու ճանապարհը և վերջ:
Կարծիքներ