Մի փոքր վեճ եղավ, որից հետո վերադարձանք պառլամենտական հարթություն
Ադրբեջանն ու Հայաստանը խորհրդարանական մակարդակով շփումներ կսկսեն։
Ադրբեջանի Միլլի Մեջլիսի նախագահ Սահիբա Գաֆարովայի հետ հաջորդ հանդիպումն, ամենայն հավանականությամբ, կլինի մայիսի կեսերին։ Այս մասին քիչ առաջ Հանրային հեռուստաընկերության եթերում հայտարարեց ՀՀ ԱԺ Ալեն Սիմոնյանը։
«Բավական կառուցողական հանդիպում էր։ Մենք արձանագրեցինք, որ երկուստեք անվստահության հարց կա։ Նրանք էլ ասում են, որ մենք ենք հարձակվելու։ Ինքը փորձում էր վստահեցնել, որ իրենց կողմից որևէ սադրանք չի նախապատրաստվում, մեղադրեցինք երկուստեք զենք գնելու մեջ։ Մի փոքր վեճ եղավ, որից հետո վերադարձանք պառլամենտական հարթություն»,– ասաց Սիմոնյանը։
Հիշեցնենք, որ Հայաստանի ու Ադրբեջանի խորհրդարանի ղեկավարների միջև հանդիպում էր կայացել մարտի 22-ին Ժնևում։
Կարծիքներ