Երեւանի եւ Թբիլիսիի քաղաքապետերը հանդիպել են

Մինչ օրս «առանց փողկապի» հանդիպումներ մեր պետական այրերն ունեցել էին միայն ռուս բարձրաստիճան պաշտոնյաների հետ, որտեղ բացառապես մեծ եւ փոքր եղբայրների անհավասար հարաբերություններ էին: Լավ է, որ ավանդույթը փոխվում է. Երեւանի եւ Թբիլիսիի քաղաքապետների հանդիպումը քաղաքակիրթ, նորմալ երկրներին բնորոշ հարեւանային շփում է, որտեղ բոլոր հարցերը հնարավոր է լուծել սեղանի շուրջ, այլ ոչ թե խրամատներում կամ մեր ցավ ու դարդին անհաղորդ միջազգային ատյաններում: