Վերադարձ դեպի կղզի
hraparak
18 Հոկտեմբեր 2012 | 08:40
0
Արամ Պաչյանի առաջին գիրքը` «Ռոբինզոն եւ 13 պատմվածք» պատմվածքների ժողովածուն կարճ ժամանակում սիրելի դարձավ ընթերցողների կողմից: Հրատարակության տպաքանակը սպառվեց: Գիրք ամփոփում էր պատմվածքներ, որոնցից մի քանիսը տպագրվել էին գրական մամուլում` արժանանալով մրցանակների:Առաջին գրական գործակալության եւ «Անտարես» հրատարակչության համագործակցության արդյունքում այս տարի արդեն տպագրվել է Արամի «Ցտեսություն, Ծիտ» վեպը, իսկ այժմ վերահրատարակվել է պատմվածքների ժողովածուն: Գարնանը լույս կտեսնի նրա «Վերջին կղզին» անվանումով էսսեների ժողովածուն: Գրքում գրված է.
«Պատմվածքների այս ժողովածուն համաշխարհային «ռոբինզոնադի» ավանդույթների յուրօրինակ շարունակությունն է` Արամ Պաչյանի գրողական ինքնատիպության դրոշմով: Երբեք չթուլացող զգայականությամբ, կառուցվածքային նուրբ խաղարկումներով հատկանշվող այդ պատմվածքներում յուրաքանչյուր հերոս յուրովի է փնտրում ու գտնում մարդկային նախաստեղծ պարզ ու ակեղծ կեցության իր վերջին կղզին»:
«Ռոբինզոնը» մի քանի օրից կվաճառվի Երեւանի գրախանութներում:
Կարծիքներ