«Դուրս արի փողոց»,«Կասե-ցում».Ընդդեմ կուտակայինի հավաքը (լրացված)
16:35.
«Զարթիր, լաո, մեռնիմ քըզի» երգելով երթի մասնակիցները հասնան Հանրապետության հրապարակ:
15:31.
Հավաքի մասակիցները շարժվում են Մաշտցի պողոտայով դեպի Սայաթ–Նովա, Աբովյան փողոցներ, հետո դեպի Հանրապետության հրապարակ, այնուհետև Ամիրյան փողոցով և Մաշտոցի պողոտայով կվերադառնան Ազատության հրապարակ, որտեղ էլ կավարտվի երթը։
Նրանք բղավում են «Դուրս արի՛ փողոց»,«Կասե-ցում»:
Մեծ թվով ոստիկաններ են ուղեկցում նրանց և հորդորում շարժվել մայթերով՝ազատելով փողոցը:
15:07
Լևոն Զուրաբյան:Քաղաքացիական նախաձեռնության և չորս կուսակցությունները համախմբվեցին:Բոլորս էլ գիտենք, որ իշխանությունը բանդիտների հավաքածու է: Սերժի օրոք 5 միմիարդ դոլար է երկրի սահմաններից դուրս եկել: Մենք ինչպե՞ս կարող ենք վստահել նրանց: Մեր երկիրը վարի է գնում:Թույլ չենք տալու այլ, պայքարելու ենք:
-Քաղաքացիները բղավում են «Կասե-ցում»:
Քաղաքական գործիչների ելույթները շարունակվում են:
14:57
Նախաձեռնության անդամ Գևորգ Գորգիսյանը խոսեց ժողովրդի համախմբվածության մասին, քաղաքական գործիչների միավորված լինելու մասին, նշելով որ քաղակական այսպիսի համախմբվածությունը աննախադեպ է:
Hraparak.am-ի լրագրողի փոխանցմամբ քիչ առաջ հավաքի մասնակիցներին է մոտեցել փոխոսիկանապետ Վալերի Օսիպյանը և հայտարարել , որ այսօրվա երթը արտոնված չէ:
14:21
«Մենք են տերը մեր երկրի»,«Կասե-ցում», «հաղթա նակ», ահա այսպիսի բացականչություններով մեկնարկեց հանրահավաքը:
«Դ!եմ ենք» շարժման անդամ Դավիթ Խաժակյանը շնորհակալություն հայտնեց բոլոր այն ոչ իշխանական ուժերին ու տարբեր կազմակերպություններին, որոնք միացել են պայքարին:Վերջինիս խոսքով բացի մեզնից առաջինը ոչ մեկը չի բարձրացնելու պայքարի խնդիրը:
Երթի մասնակից` ԲՀԿ խմբակցության քարտուղար Նաիրա Զորհաբյանի խոսքով մենք պետք է չառհամարենք, չսիրենք սեփական ժողովրդին, որ հասցնենք այս վիճակի: Եվ միասնական պիտի լուծենաք այս խնդիրը, միասնական պիտի հաղթենք, միասնական վիճարկենք գազի մասին պայմանագիրը»:
Հավաքը շարունակվում է, դրան կարող եք հետևել ուղիղ եթերով:
14:04
Ազատության հրապարակում մեկնարկեց 2014թ. հունվարի 1-ից ուժի մեջ մտած կուտակային կենսաթոշակային համակարգի պարտադիր բաղադրիչի դեմ պայքարող քաղաքացիական նախաձեռնության հանրահավաքը:
Ինչպես նախապես հայտարարվել էին հանրահավաքին են միացել նաև խորհրդարանական ոչ իշխանական ուժերը՝ ՀԱԿ-ը, ԲՀԿ-ն, ՀՅԴ-ն և «Ժառանգությունը»։
Հրապարակում են մեծ թվով ոստիկաններ, 2000 ավելի մարդիկ, որոնք եկել են Հայաստանի պետական և «Դ!եմ եմ» շարժման լոգոներով, դրոշներով:
Հավաքը արտոնված է: Հավաքի ավարտից հետո կմեկնարկի երթը՝ Ազատության Հրապարակ-Մաշտոցի պողոտա-Սայաթ-Նովա պողոտա-Աբովյան փողոց-Հանրապետության Հրապարակ-Ամիրյան փողոց-Մաշտոցի պողոտա-Ազատության հրապարակ:
Կարծիքներ