Թուրքիան եւ Հունաստանը քննարկել են Էգեյան ծովում համագործակցության հարցը

Թուրքիան եւ Հունաստանը քննարկել են Էգեյան ծովում անվտանգության ոլորտում համագործակցելու հարցը։ Այս մասին մայիսի 12-ին Անկարայում հայտարարել է Թուրքիայի արտգործնախարար Մեվլութ Չավուշօղլուն իր հույն գործընկեր Նիկոս Կոտզիասի հետ հանդիպման ժամանակ։

«Մենք քննարկել ենք այն քայլերը, որոնք կարող է անել մեր երկիրը Էգեյան ծովում ռազմական ակտիվության անցանկալի արդյունքներից խուսափելու եւ տարածաշրջանում անվտանգության ապահովման համար»,- մեջբերում է Չավուշօղլուին ՏԱՍՍ-ը։

Թուրքիան չի ճանաչում Հունաստանի օդային գոտու 10 մղոնանոց սահմանը՝ համարելով, որ հունական օդային տարածքը սահմանափակվում է 6 ծովային մղոնով։ Դրա հետեւանքով թուրքական կործանիչները պարբերաբար ներթափանցում են Աթենքի թռիչքային պատասխանատվության տակ գտնվող գոտի, որին ի պատասխան՝ Հունաստանը օդ է հանում իր կործանիչները։