Ընտրություններից առաջ Լը Պենը գերազանցում է Մակրոնին
![Ընտրություններից առաջ Լը Պենը գերազանցում է Մակրոնին](https://hraparak.am/uploads/images/2024/05/image_750x_6654127fa81a8.jpg)
Ֆրանսիայի ծայրահեղ աջ «Ազգային միավորում» կուսակցությունը, որը գլխավորում է Մարին Լը Պենը, համեվրոպական ընտրություններից երկու շաբաթ առաջ, մեծացրել է իր առավելությունը նախագահ Էմանուել Մակրոնի «Վերածնունդ» կուսակցության նկատմամբ: Այս մասին է վկայում Elabe-ի հարցումը, որն անցկացրել են La Tribune-ը և BFM TV-ն։
Հարցին, թե որ կուսակցության օգտին են պատրաստվում իրենց ձայնը տալ, հարցվածների 33%-ն աջակցել է «Ազգային միավորում» կուսակցությանը, իսկ 15,5%-ը նախընտրել է Մակրոնի դաշինքը։
Ռաֆայել Գլյուքսմանի գլխավորած Սոցիալիստական կուսակցությունը ստացել է ձայների 13%-ը, ձախակողմյան «Աննվաճ Ֆրանսիա» կուսակցությունը՝ 8%-ը, Կանաչները՝ 6%-ը։ Պահպանողական հանրապետականներին աջակցել է հարցվածների 7%-ը։
Հարցումն անցկացվել է մայիսի 24-25-ը՝ 1804 մեծահասակների շրջանում։
Կարծիքներ