«Լյուբե» խմբի մեներգիչ Նիկոլայ Ռաստորգուևը հոսպիտալացվել է Իսրայելում
Ռուսական սիրված «Լյուբե» խմբի մեներգիչ Նիկոլայ Ռաստորգուևն առողջական խնդիրների պատճառով շտապ հոսպիտալացվել է Իսրայելում: Դրա պատճառով չեղարկվել է խմբի` Պյատիգորսկում կայանալիք համերգը:
Ինչպես նշում է gazeta.ru-ն, Ռաստորգուևն ու համերգի կազմակերպիչները հայցել են երկրպագուների ներողամտությունը` պատճառած անհանգստության համար:
Աղբյուրը մանրամասնում է, որ Պյատիգորսկում ծրագրված համերգը նվիրված էր քաղաքի հիմնադրման 235-ամյակին:
«Լյուբե» խումբը հիմնադրվել է 1989թ.` կոմպոզիտոր ու պրոդյուսեր Իգոր Մատվիենկոյի նախաձեռնությամբ:
Կարծիքներ